Suriyanın paytaxtı Dəməşqdə İndoneziya səfirliyi atəşə tutulub.

Axar.az xəbər verir ki, bu barədə İndoneziyanın Xarici İşlər Nazirliyinin Vətəndaşların müdafiəsi məsələləri üzrə Departamentinin direktoru Cudha Nuqraha məlumat verib.

“Hadisə zamanı heç bir İndoneziya vətəndaşı xəsarət almayıb”, - "Jakarta Globe" məmura istinadən bildirib.

Onun sözlərinə görə, atəş təsadüfən açılıb. Hazırda Suriyada mindən çox indoneziyalı yaşayır, onlardan 19-u sığınacaq almaq üçün səfirliyə müraciət edib.

Səfirlik Suriyada qarşıdurmanın artması fonunda ən yüksək həyəcan səviyyəsi elan edib. İndoneziyalılara ərəb ölkəsinə səfərlərdən çəkinmək tövsiyə olunur.