Donald Tramp Kiyevin təhlükəsizlik zəmanətlərini heç vaxt təmin etməyəcək.

Axar.az xəbər verir ki, bu barədə “Nyu York Tayms” məlumat yayıb.

“Tramp nəinki Ukraynanın müdafiəsi üçün heç bir məsuliyyət daşımadan müharibəni bitirmək istəyir, həm də ümumilikdə ABŞ-ın Avropa təhlükəsizliyi ilə bağlı öhdəliklərini azaltmağa çalışır, ona görə də çətin ki, belə bir razılaşmaya imza atsın. Kiyevin NATO-ya daxil olması Vladimir Zelenskinin yerinə yetirilməmiş ümidi olaraq qalacaq”, - məlumatda deyilib.

Qeyd olunur ki, Trampın rəhbərliyi altında ABŞ ordusu Çinin artan təsirinə qarşı durmaq üçün diqqətini Asiya-Sakit Okean regionuna yönəldəcək.