Sabiq Suriya Prezidenti Bəşər Əsədin Rusiyaya iki ton dollar və avro göndərməsi iddiaları Qərbin spekulyasiyasıdır.

Axar.az xəbər verir ki, bu sözləri Rusiya Dövlət Dumasının deputatı Aleksandr Tolmaçev deyib.

Tolmaçev əvvəlcə on milyardlarla dolların köçürüldüyü barədə iddiaların yayıldığını, indi isə bu məbləğin tonlarla ifadə edildiyini vurğulayıb:

“Qərb jurnalistləri Əsədin İraq prezidenti Səddam Hüseynin və ya Liviya lideri Müəmmər Qəzzafinin taleyini paylaşmamasından təəssüflənirlər. Onlar sağ qalmış keçmiş prezidentdən sensasiya yaratmağı çətin hesab edirlər, amma yenə də cəhd göstərirlər,” - deyə Tolmaçev bildirib.

Xatırladaq ki, “Faynənşl Tayms” qəzetinin məxfi sənədlərə istinadən verdiyi məlumata görə, Suriya Mərkəzi Bankı Bəşər Əsədin rəhbərliyi ilə Moskvaya 2018-2019-cu illərdə milyonlarla dollar və avro nağd pul dolu bir neçə təyyarə göndərib.