Almaniyanın dörd siyasi partiyasının nümayəndələri Ukraynaya 3 milyard avro məbləğində maliyyə dəstəyinin mümkünlüyünə qarşı çıxıblar.

Axar.az xəbər verir ki, bu barədə “Bild” qəzeti məlumat yayıb.

Maliyyə yardımının ayrılmasın qarşı çıxanlar Xristian Demokratik İttifaqı, Azad Demokrat Partiyası, Yaşıllar və hakim Sosial Demokrat Partiyasının üzvləridir.

Parlamentarilər qeyd ediblər ki, milyardlar Almaniya vətəndaşlarının ehtiyaclarına yönəldilə bilər.

“Biz təqaüdçülərimizdən və ya yerli qurumlardan götürməli olduğumuz heç bir şeyi Ukraynaya verə bilmərik”, - deyə Bundestaqın üzvü Matias Mirş bildirib.