İsrail Baş naziri Benyamin Netanyahu və müdafiə naziri İsrail Katz ehtiyatda olan general-mayor Eyal Zamiri Baş Qərargahın rəhbəri təyin etmək barədə razılığa gəliblər.

Axar.az xəbər verir ki, bu barədə İsrail mediası məlumat yayıb.

59 yaşlı Zamir 2023-cü ildən Müdafiə Nazirliyinin baş direktoru vəzifəsində çalışıb, daha sonra ordudan istefa verib.

Zamir 2021-ci ilə qədər Baş Qərargah rəisinin müavini olub, bundan əvvəl isə quru qüvvələrinin Qəzzaya cavabdeh olan Cənub Komandanlığına rəhbərlik edib.

Müdafiə Nazirliyinin məlumatına görə, Cənub Komandanlığının rəhbəri kimi Zamir “Qəzza zolağından İsrailə terror tunellərinin daxil olmasının qarşısını almaq” səylərinə rəhbərlik edib.

Qeyd edək ki, daha öncə Baş Qərargah rəisi general-leytenant Herzi Halevi istefa verib.