Ukraynanın nüvə silahını geri qaytarma şansı minimaldır.

Axar.az xəbər verir ki, bunu ABŞ Prezidentinin Ukrayna və Rusiya üzrə xüsusi nümayəndəsi Keyt Kelloq deyib.

“Onların nüvə silahlarını geri qaytarma şansları cüzidir. Düzünü desək, hər ikimiz bunun baş verməyəcəyini bilirik”, - Kelloq deyib.

O hesab edir ki, Ukraynanı nüvə silahı ilə yenidən silahlandırmaq həll yolu deyil.

“Unutmayın, prezident (Tramp - red.) demişdi ki, biz sağlam düşüncəli hökumətik. Kimsə belə bir şey deyəndə, nəticəyə və ya potensiala baxın", - xüsusi nümayəndə bildirib.

Qeyd edək ki, Ukrayna lideri Zelenski NATO-ya üzv olmayacağı halda Ukraynanın nüvə silahının geri qaytarılmasını istəmişdi.

Ukraynadan nüvə silahı 1994-cü ildə ABŞ, Britaniya və Rusiyanın “təhlükəsizlik təminatı” öhdəliyi ilə alınaraq, Rusiyaya daşınıb.