İran Hörmüz boğazını bağlaya bilər.

Axar.az Musavat.com-a istinadən xəbər verir ki, bu sözləri SEPAH Hərbi Dəniz Qüvvələrinin komandanı Əlirza Təngsiri deyib.

“Hərbi gücə əl atmaqla Hörmüz boğazını bağlaya bilərik. Ancaq biz indi boğazdan istifadə etdiyimiz halda bunu etməyəcəyik”, - deyə Təngsiri qeyd edib.

Təngsiri vurğulayıb ki, ABŞ heç vaxt İran neftinin ixracını dayandırmaq məqsədinə nail ola bilməyəcək.

O, “Şahid Bakeri” PUA-sının və helikopter daşıyıcı gəmisinin SEPAH Hərbi Dəniz Qüvvələrinə verilməsini xatırladıb. Onun sözlərinə görə, gəmi 1000 kilometrə qədər mənzilli raketləri də buraxa bilir.

Təngsiri izah edib ki, raket silahları sayəsində gəmi özünü müdafiə edə bilir. O əlavə edib ki, gəmi anqarlarda beş, göyərtədə dörd böyük helikopter daşıya bilir.