Avropa Birliyi Baltik dənizində Rusiyanın “kölgə donanması”na daxil olan tankerlərin ələ keçirilməsi üçün genişmiqyaslı əməliyyata hazırlaşır. Bu məqsədlə dənizə çıxışı olan AB ölkələri xüsusi hüquqi tədbirlər planlaşdırır.

Axar.az xəbər verir ki, bu barədə “Politiko” avropalı mənbələrə istinadla məlumat yayıb.

“Yeni qanunvericilik gəmilərin ətraf mühitə vura biləcəkləri zərərə görə ələ keçirilməsinə icazə verəcək. Bundan əlavə, Baltik dənizindəki sualtı kabellər və digər kritik infrastrukturlar zədələnərsə, tankerlərin ələ keçirilməsi mümkün olacaq”, - məlumatda qeyd olunub.

Bildirilib ki, gəmilərin saxlanılması piratçılığa qarşı mübarizə hesab olunacaq.