Tramp və Putin Ukrayna barədə bizim iştirakımız olmadan danışa bilməz.

Axar.az xəbər verir ki, bu sözləri Ukrayna Prezidenti Vladimir Zelenski Münhen Təhlükəsizlik Konfransında çıxışında deyib.

Zelenski bildirib, Rusiya 15 yeni diviziya yaratmağı və bu yay təlimlər adı altında Belarus ərazisinə hərbi kontingent göndərməyi planlaşdırır:

“Bunlar Ukraynaya hücum üçün nəzərdə tutulubmu? Bəlkə də yox, bəlkə də sizə hücum üçündür”.

Zelenski çıxışı zamanı həmçinin Avropanın Silahlı Qüvvələrinin yaradılmasına çağırış edərək, müdafiə məsələlərində ABŞ-dan asılılığın azaldılmasının vacibliyini vurğulayıb.

O, həmçinin Ukraynanın NATO-ya üzvlüyünün danışıqlar gündəmindən çıxarılmadığını qeyd edib.

V.Zelenski Ukraynada prezident seçkilərinin keçirilmə ehtimalına da toxunub. Onun sözlərinə görə, o, seçkilərə hazırdır, lakin bunu ukraynalılar istəmir:

“Hazırda biz səfərbər olmuşuq, ölkə daxilində birliyi qoruyub saxlamaq vacibdir. Söhbət məndən getmir, ölkəmizin gələcəyindən gedir”.