Almaniyada fəaliyyət göstərən erməni diaspor təşkilatları Münhen Təhlükəsizlik Konfransında iştirak etmək üçün bu ölkəyə səfər edən Ermənistan Baş naziri Nikol Paşinyanla görüşməkdən imtina ediblər.

Axar.az erməni mətbuatına istinadla xəbər verir ki, bu barədə Almaniya Erməniləri Mərkəzi Şurasının İdarə Heyətinin sədri Conatan Şpangenberq deyib.

Onun sözlərinə görə, Erməni yeparxiyası, 16 kilsə ittifaqı, Almaniyadakı Ermənilərin Mərkəzi Şurası və ya onun üzvü olan hər hansı ictimai təşkilat, “Ermənistan” fondu, Erməni Hüquqşünaslar İttifaqı, Erməni Həkimlər İttifaqı, Ermənistan Peşəkarlar İttifaqı, Ermənistan Sahibkarlar İttifaqı, Erməni Ümumi Xeyriyyə İttifaqı, Ermənistan Akademiklər İttifaqı, Erməni Yardım Cəmiyyəti, müxtəlif erməni gənclər ittifaqları və digər təşkilatlar Paşinyanla görüşməkdən imtina ediblər.

“Heç bir tanınmış tanınmış şəxs və ya intellekt orada olmayıb. Yalnız Münhen Erməni İttifaqının idarə heyətinin yeni seçilmiş bir üzvü iştirak edib”, - Şpangenberq bildirib.

Qeyd edək ki, Nikol Paşinyan Münhen Təhlükəsizlik Konransında iştirak üçün bu ölkəyə getmişdi.