Ukrayna ABŞ-a Prezident Donald Trampın iddia etdiyi 500 milyard dollar verməli olduğunu qəbul etmir.

Axar.az xəbər verir ki, bunu Ukrayna Prezidenti Vladimir Zelenski deyib.

"Bilirəm ki, 100 milyard dollarımız var idi (yardım olaraq). Və bu, bir faktdır. Mən 500-ü qəbul etməyəcəyəm. Qrantları borc kimi tanıya bilmərik. Baydenlə danışıqlar apardım, Konqreslə danışıqlar apardım. İki tərəf iştirak edirdi. Bəlkə də xoşunuza gəlmir, amma razılaşma belə idi. Bu, qrant idi. Bunun bir borc olduğunu qəbul etmirik",- o bildirib.

Zelenskinin sözlərinə görə, ABŞ-ın mineral ehtiyatlar üzrə təklif etdiyi saziş yeni sazişdir və Kiyevə əvvəlki yardımla bağlı deyil.