Kanada tezliklə Ukraynaya hərbi texnika, eləcə də dondurulmuş Rusiya aktivlərindən əldə edilən mənfəətdən 5 milyard Kanada dolları (3,52 milyard dollar) köçürəcək.

Axar.az xəbər verir ki, bu barədə Kanadanın Baş naziri Castin Trüdo Kiyevə səfəri zamanı bildirib.

“Biz Ukrayna hərbçilərinin Almaniyada təlim keçdiyi 25 LAV II piyada döyüş maşını, iki döyüş dəstəyi zirehli texnikası, F-16 qırıcıları üçün eniş sistemi, dörd F-16 hava təlim təyyarəsi, eləcə də milyonlarla döyüş sursatı, hərbi texnika və tibbi ləvazimatlar göndərəcəyik”, - o qeyd edib.

O əlavə edib ki, Kanada həmçinin enerji təhlükəsizliyini dəstəkləmək üçün qrant da verəcək.

Bundan öncə İspaniya Ukraynaya 1 milyard dollarlıq yardım vəd etmişdi.

Qeyd edək ki, Kanada, Estoniya və İspaniya baş nazirləri Castin Trüdo, Kristian Mixal və Pedro Sançes, Litva və Latviya prezidentləri Gitanas Nauseda və Edqars Rinkeviç, həmçinin Avropa Komissiyasının sədri Ursula fon der Leyen və Avropa Şurasının nümayəndəsi Antonio Kosta Kiyevdə səfərdədirlər.