Almaniya, Fransa, İtaliya, İspaniya, eləcə də Avropa Komissiyasının rəhbəri Ursula fon der Leyen dondurulmuş Rusiya aktivlərinin Kiyevə verilməsinə qarşıdır, çünki onları mümkün sülh danışıqlarında qurum üçün potensial üstünlük hesab edir və bu addımın xarici investorları qorxudacağından ehtiyat edirlər.

Axar.az xəbər verir ki, bu barədə “Politiko” mənbələrə istinadən məlumat yayıb.

"Aktivləri dondurub Ukraynaya köçürsəniz, artıq sizdə olmayacaq və onlardan sövdələşmə alətləri kimi istifadə edə bilməyəcəksiniz. Rusiya həqiqətən də aktivləri qaytarmaq istəyirsə, bunun müqabilində nəsə verməlidir", - mənbə bildirib.

Qeyd olunur ki, digər ölkələr bu pulu münaqişədən sonra Ukraynanın gələcək bərpası üçün istifadə etməyi təklif edir.