Bir neçə illik nisbi sakitlikdən sonra rusiyalı bankir Andrey Kostin və onun azərbaycanlı sevgilisi, teleaparıcı Nailə Əsgərzadənin adları yenidən korrupsiya qalmaqalında hallanır.

Axar.az Bakupost.az-a istinadən xəbər verir ki, bu dəfə "İnsayder" komandası bankirin və teleaparıcının aktivlərinin monitorinqini aparıb. Jurnalist araşdırması zamanı məlum olub ki, VTB-nin rəhbəri Kostin qeyri-qanuni yolla əldə etdiyi dövlət vəsaitlərini sevgilisi Nailə Əsgərzadəyə hədiyyə etməkdə davam edir.

Nəşrin araşdırmasına görə, oğurlanan vəsaitlərin miqyası heyrətamizdir:

"Ancaq oxuduqdan sonra özünüzə sual verin: Andrey Kostinin hansı aktivləri kölgədə qaldı? Hansı məqamlar aydınlaşdırılmayıb? Axı bütün bunlar Kostinin miqyasında yalnız xırda şeylər, aysberqin görünən hissəsidir. Təbii ki, orta statistik rusiyalı belə pulları ancaq xəyal edə bilər. Bəs pərdə arxasında nələr qalır? Nə vaxtsa məsələ ilə bağlı əsl vəziyyətini öyrənmək mümkün olacaqmı? Çətin ki, bir şey ortaya çıxsın. Andrey Kostinin izləri itirmək bacarığını inkar etmək olmaz. Onun hətta Nailə Əsgərzadə üçün aldığı torpaq sahəsi bir neçə ofşor şirkətin arxasında gizlədilmişdi".

Araşdırmanın müəllifləri qeyd edirlər ki, oğurlanmış vəsaitlərin həqiqi miqyasını yalnız təxmin etmək olar. Dövlət bankından Andrey Kostinin cibinə nə qədər vəsait axdığı barədə təxminləri onun 2019-cu ildə Nailə Əsgərzadənin adına keçirdiyi Razdorı kəndindəki 1 torpaq sahəsinin qiyməti (3 milyard rubldan artıq) əsasında qurmaq olar:

"Ancaq o vaxtdan çox sular axdı. Ona görə də Andrey Kostinin altı il əvvəl məşuqəsinə verdiklərini sadalamağa ehtiyac yoxdur. Üstəlik, həmin aktivlərin əhəmiyyətli hissəsi artıq ofşor şirkətlərə köçürülüb. Baxmayaraq ki, biz hələ də Navalnının araşdırmasına baxmağı tövsiyə edirik. Bu, sadəcə ölkədə baş verən dəhşətləri anlamaq üçün lazımdır".

Bununla belə, "İnsayder"in yeni araşdırmasında 2025-ci ilin əvvəlinə aid məlumatlar da yer alıb:

"Bu məlumatlar Korrupsiya ilə Mübarizə Fondunun təhqiqatında açıqlananlardan daha şokedicidir. Navalnının araşdırmasından sonra Kipr ofşoru "Godovari Limited"ə məxsus "Godovari Development" MMC-nin adına rəsmiləşdirilən Razdorı kəndindəki torpaq sahəsi hələ də qalır. İndi orada dəbdəbəli ev tikilib. Tikintiyə Kostin özü şəxsən nəzarət edib.

Evin qiyməti dəbdəbəsinə uyğundur - təkcə onun tikintisinə xərclənən vəsaitin həcmi 20 milyard rublu keçib. Bütün işlərə nə qədər xərcləndiyini isə yalnız təxmin etmək olar. Yeri gəlmişkən, evin olduqca romantik adı var - "Şamlıqda villa". Villanın içi və çölü şüşə, tunc, mərmərlə bəzədilib. Mühafizə işini də unutmayıblar. Mühafizəşilər üçün 4,3 hektar ərazidə ayrıca ev tikiblər. Həmin “ev” yalnız Kostin və Əsgərzadənin evi ilə müqayisədə sadə görünür. Əslində isə içəridə hər cür şərait var və orada bir bölük əsgəri yerləşdirmək olar. Bütün bunlar neçəyə başa gəlib? Amma bunun nə fərqi var, pul dövlətin puludur, dövlət isə məlum olduğu kimi, bundan yoxsullaşmayacaq".

Müəlliflər qeyd edirlər ki, bu, yaşlı bankirin nisbətən gənc məşuqəsinə (Kostinin 68, Əsgərzadənin 37 yaşı var) bağışladığı yeganə sərvət deyil:

"Andrey Kostinin Nailə Əsgərzadəyə verdiyi hədiyyələrə diqqət etdikdə, onlara böyük deyil, çox böyük pullar xərcləndiyi aydın olur. Çünki o, başqa şeylərlə yanaşı, Əsgərzadəyə məşhur Rublevkada 250 milyon rubla ev, "Novaya Ostojenka" elit yaşayış kompleksində iki mənzil, 4 milyard rublluq "Sea&Us" yaxtası, 60 milyon dollara "Bombardier Global 6000" reaktiv təyyarəsini də hədiyyə edib.

Bunlar yalnız araşdırma aparıb, Nailə Əsgərzadəyə aid olduqlarını sübuta yetirə bildiyimiz "hədiyyələrdir". Baxmayaraq ki, onların mülkiyyət hüququ son dərəcə dolaşıqdır, ya ofşor şirkətlərdə, ya da kimlərinsə adına qeydiyyatdan keçirilib. Amma bütün bu saraylar, gəmilər, təyyarələr Nailə Əsgərzadənin istifadəsindədir. Yeri gəlmişkən, o, beynəlxalq sanksiyalar siyahısına daxil edilib. Xüsusilə Ukrayna, Kanada və Böyük Britaniya Kostinin məşuqəsinə qarşı sanksiyalar tətbiq edib.

Bütün bu araşdırmalarda bir əsas sual açıq alır. Daha doğrusu, iki sual. Birincisi, Andrey Kostin Nailə Əsgərzadənin adına daha nələri keçirib? Söhbət yeni yaxta və villalardan getmir. Söhbət Andrey Kostinin sahib olduğu biznesdən gedir. VTB dövlət bankından onun cibinə Əsgərzadə üçün aldığı oyuncaqlardan qat-qat çox pul gedir. Ancaq buradakı izlər çox diqqətlə gizlədilir. Artıq qeyd etdiyimiz kimi, Kostin "ucları suda gizlətməyi bacarır". Məlum olanlar bu dövlət xadimi və Putinə yaxın olan şəxslərin dövlət xəzinəsindən çıxardığı nəhəng aktivlərin yalnız görünən hissəsidir.

İkinci sual, Andrey Kostin "zəhmətlə" əldə etdiyi hər şeyi niyə Nailə Əsgərzadəyə təhvil verir? Axı onun "hədiyyələrin" ən azı bir hissəsini nümaiş etdirəcəyi qaçılmaz idi. Məhz belə də oldu. Bundan əlavə, “teleaparıcı və jurnalist” olsa da, Kostin niyə onun üçün riskə gedir?

Bu sualın cavabı yoxdur, yalnız təxminlər var. Görünür, Kostin ayağı altında torpağın yandığını hiss edir. Çətin ki bu, beynəlxalq sanksiyalarla bağlı olsun. Ola da bilər. Amma adətən, belə "dərzi"lər yad adamlardan deyil, özününkülərdən qorxur. Gücün zirvəsinə birlikdə gəldiyi adamlardan. Öz aralarında getdikcə daha şiddətli çəkişmələr aparan fiqurların hörümçəklər bankında nə baş verdiyini heç kim bilmir. Ancaq açıq-aydın nəsə baş verir və bu, müsbət bir şey deyil. Ən azından bankir Andrey Kostin üçün..."