Xüsusi hərbi əməliyyatın yaxın zamanda başa çatacağına dair şayiələr fonunda cəbhədə silah-sursat tədarükü ilə bağlı problemlər yaranmağa başlayıb. Bu məlumatı biz bir neçə istiqamətdən əldə etmişik.

Axar.az xəbər verir ki, bu barədə “Kremlin secrets” Teleqram kanalı məlumat yayıb.

Bildirilib ki, cəbhə bölgəsinə ağır silah-sursat göndərilməsində yaranan fasilənin səbəbi izah olunmur.

“Sursatlar artıq gətirilmir, dronların da göndərilməsi gecikir. Hazırda ehtiyatlar var, amma uzun müddətə kifayət etməyəcək. Nə üçün sursatların çatdırılmadığını bizə demirlər? Elə bil ki, müharibə artıq başa çatıb”, -Donetskdəki qərargahlardan birindəki mənbə deyib.

Kursk vilayətindəki mənbələr də qoşunların hücumunda azalma olduğunu müşahidə ediblər.

“Hamı başa düşür ki, Kursk vilayətinin ələ keçirilmiş hissəsi nəyəsə dəyişdiriləcək. O zaman nə üçün canımızı qurban verək və onu geri qaytarmağa çalışaq? Əgər altı ay ərzində geri ala bilməmişiksə, bir həftə ərzində heç nə dəyişməyəcək. Amma uşaqları itirəcəyik”, - general rütbəli mənbə bildirib.

Kanal iddia edib ki, bu vəziyyət bütün cəbhə boyunca davam edir.