İsveç müəyyən şərtlər daxilində Ukraynaya təhlükəsizlik zəmanəti verməyə hazırdır.

Axar.az xəbər verir ki, bunu İsveçin Baş naziri Ulf Kristersson Londonda keçirilən görüşdən sonra İsveç qoşunlarının Ukraynaya göndərilməsinin mümkünlüyü ilə bağlı sualı cavablandırarkən deyib.

"Bu, Amerikanın dəstəyi və Amerikanın təhlükəsizlik zəmanəti ilə edilməlidir. Bu, etibarlı strukturların mövcudluğuna əsaslanmalıdır", - o bildirib.

O qeyd edib ki, görüşün keçirildiyi mühit qətiyyətlə yadda qalıb:

"Hər kəs Ukraynaya güclü dəstəyini təsdiqləyir və bunun üçün daha çox şey etməyə hazırdır".

Qeyd edək ki, bundan öncə Kanada Baş naziri Castin Trüdo da Ukraynaya qoşun göndərilə biləcəyini istisna etməmişdi.