Almaniya Trampın satılan döyüş təyyarələrini metal parçasına çevirə biləcəyindən qorxur.

Axar.az xəbər verir ki, bu barədə “Bild” nəşri yazıb.

Almaniya ABŞ-dan 8 milyard avroya 35 ədəd F-35A qırıcısı almağı planlaşdırır. Bununla belə, Donald Trampın bu təyyarələri uzaqdan sıradan çıxara biləcəyi ilə bağlı narahatlıqlar artır. Təyyarə ABŞ-ın hər zaman onu söndürə biləcəyi “Kill Switch” adlanan qurğu ilə təchiz oluna bilər”, - nəşr bildirib.

Almaniyanın “Hensoldt” silah şirkətinin kommunikasiya bölməsinin rəhbəri Yoahim Şrantşover nəşrə açıqlamasında deyib ki, “Kill Switch” sadəcə şayiə deyil. Bloklanma döyüş tapşırığını planlaşdırma sistemi vasitəsilə baş verə bilər, bu halda təyyarə sadəcə uçmayacaq.