Ukrayna Xerson bölgəsindəki bazara HİMARS-la zərbəni Fransanın peyk kəşfiyyat məlumatlarından istifadə etməklə endirib.

Axar.az xəbər verir ki, bu barədə “Military Observer” məlumat yayıb.

Bildirilib ki, Ukrayna Silahlı Qüvvələrinin Amerika peyk qrupuna girişi məhdudlaşdırıldıqdan sonra Fransa kəşfiyyat cihazlarından məlumatları təqdim etməklə Kiyevlə əməkdaşlığı gücləndirib. Bu, ABŞ-ın azaldılmış dəstəyinə baxmayaraq, HİMARS və AТACMS raketlərinin davamlı istifadəsinə imkan verib.

Həmçinin qeyd edilir ki, Paris öz sistemlərinin Amerika raket sistemləri ilə uyğunluğunu sınaqdan keçirir. İddia edilir ki, məqsəd dəyişən geosiyasi vəziyyət şəraitində Ukrayna Silahlı Qüvvələrinin əməliyyat imkanlarını bərpa etməkdir.

Qeyd edək ki, Ukrayna Silahlı Qüvvələri Xerson vilayətindəki Veliki Kopani bazarına HİMARS reaktiv raket sistemindən iki raketlə zərbə endirib. Zərbə nəticəsində çoxsaylı ölən və yaralanan var.