Əkrəm İmamoğlu haqqında terror ittihamı ilə bağlı həbs qərarı seçilmədiyi üçün İstanbul Böyükşəhər Bələdiyyəsinə qəyyum təyin edilməsinə ehtiyac qalmayıb.

Axar.az xəbər verir ki, bu barədə Türkiyə mediası məlumat yayıb.

Bildirilib ki, İstanbul Böyükşəhər Bələdiyyə Məclisi yeni bələdiyyə sədrini seçə biləcək.

Qeyd edək ki, Sülh Cəza Məhkəməsi bu gün İBB başqanı Əkrəm İmamoğlu haqda iki iddiaya baxıb. İmamoğlu haqda korrupsiya ittihamına görə həbs qərarı verilib, terror ittihamı ilə bağlı həbs tələbindən isə imtina edilib.

İstanbul Baş Prokurorluğu terror ittihamına görə həbsdən imtina edilməsinə görə protest veriləcəyini açıqlayıb.