Kolumbiyada italyan mafiyasının başçısı, “Dollarino” ləqəbi ilə tanınan Emanuele Qreqorini iki il polisdən gizləndikdən sonra tutulub.

Axar.az xəbər verir ki, bu barədə NTK məlumat yayıb.

Həmin şəxs ölkənin şimalındakı Kartaxenada saxlanılıb. Kolumbiya polisi onu “Latın Amerikasındakı italyan mafiyasının lideri” adlandırıb və onun Cənubi Amerikadan Avropaya narkotik qaçaqmalçılığında əsas rol oynadığı güman edilir.

Mafiya başçısının tutulması üçün keçirilən beynəlxalq əməliyyatda bir neçə ölkənin hüquq-mühafizə orqanları iştirak edib.

Dollarino şəxsiyyətini gizlətməyə cəhd etmədiyi üçün hüquq-mühafizə orqanları tərəfindən tutulub. O, mağazada, restoranda və idman zalında olarkən kameralara tuş gəlib.