Qazaxıstan Xəzər Boru Kəməri Konsorsiumu (CPC) sisteminin təhlükəsizliyinin təmin edilməsi məsələsində Ukrayna ilə əlaqədədir, tərəflər müvafiq danışıqlar aparırlar.

Axar.az xəbər verir ki, bunu Qazaxıstan xarici işlər nazirinin müavini Alibek Kuantırov deyib.

"Biz Ukrayna tərəfi ilə əlaqədəyik, bu məsələ (CPC-nin təhlükəsizliyi) ilə bağlı danışıqlar gedir", - Kuantırov bildirib.

Qeyd edək ki, Rusiya Müdafiə Nazirliyi martın 24-nə keçən gecə CPC-nin Krasnodar diyarındakı "Kropotkinskaya" neft nasos stansiyasına hücuma cəhd edən PUA-nın obyektdən yeddi kilometr məsafədə vurulduğu barədə məlumat yaymışdı.