Rusiya Prezidenti Vladimir Putinin xarici ölkələrlə investisiya və iqtisadi əməkdaşlıq üzrə xüsusi nümayəndəsi, Rusiya Birbaşa İnvestisiya Fondunun baş direktoru Kirill Dmitriyev növbəti dəfə diqqət mərkəzində olub.

Axar.az xəbər verir ki, bu barədə Ukraynanın “Nyus Teleqraf” nəşri məlumat yayıb.

Məlumata görə, onun atası, məşhur alim Aleksandr Dmitriyev hələ də Kiyevdə yaşayır və orada işləyir.

Qeyd olunub ki, Aleksandr Dmitriyev biologiya elmləri doktorudur və Ukrayna Milli Elmlər Akademiyasının Hüceyrə Biologiyası və Genetika Mühəndisliyi İnstitutunda işləyir:

“O, bitki immuniteti laboratoriyasına rəhbərlik edir, lakin institut əməkdaşlarının dediyinə görə, hazırda ödənişsiz məzuniyyətdədir, nə vaxt qayıdacağı məlum deyil”.