ABŞ Qrenlandiyanın Çindən asılı olmasının qarşısını almaqda qərarlıdır, Kopenhagen isə adanın müstəqillik əldə etmək istədiyini qəbul etməlidir.

Axar.az xəbər verir ki, bunu ABŞ Dövlət katibi Marko Rubio deyib.

“Qrenlandiya xalqı Danimarkadan müstəqil olmaq istədiyini açıq şəkildə bildirdi. Danimarka Qrenlandiyanın onun bir hissəsi olmaq istəmədiyinə diqqət yetirməlidir. Bu fikri biz onlara vermədik, onlar özləri də çoxdan bu barədə danışırlar. İstədikləri zaman bu qərarı verəcəklər. Lakin Çinin indi adaya daxil olub, qrenlandiyalılara pul təklif edib, onları özlərindən asılı hala salmasına imkan verməyəcəyik”, - o bildirib.

Rubio qeyd edib ki, Vaşinqton Qrenlandiya xalqının öz müqəddəratını təyinetmə hüququna hörmət edir.