Türkiyənin Qars vilayətində şok yaradan hadisə baş verib. 29 yaşlı zabit Salman K. elektrik paylayıcı şirkətin əməkdaşı 23 yaşlı Yaqub Aydını "tərs baxdığı" iddiası ilə xidməti tapançadan açdığı atəşlə qətlə yetirib.

Axar.az Oxu.az-a istiandən xəbər verir ki, baş verənlərin görüntüləri mediada yayılıb.

Hadisə Kağızman rayonundakı məşhur kafelərdən birində baş verib. Dostları ilə əylənməyə gələn gənc Yaqub Aydın masadan qalxaraq çıxışa doğru irəliləyib. Bu zaman kafedə tək oturan və telefonla məşğul olan zabit Salman K. da onların yanına gedərək Yaqub Aydına, "Niyə tərs-tərs baxırsan?" - deyə irad bildirib. Mübahisə qısa zamanda davaya çevrilib.

Kafe işçiləri və müştərilər onları sakitləşdirməyə çalışsalar da, Salman K. belindəki xidməti silahı çıxararaq pilləkənlə qaçan Yaqub Aydına bir neçə dəfə atəş açıb. Güllələrin hədəfinə tuş gələn 32 yaşlı gənc ağır yaralanıb. Xəstəxanaya çatdırılan Yaqup Aydının həyatını xilas etmək mümkün olmayıb.

Cinayəti törətdikdən sonra kafeni tərk edən Salman K. saxlanılıb. İstintaq zamanı susmaq hüququndan istifadə edən zabit "qəsdən adam öldürmə" ittihamı ilə məhkəmə qarşısına çıxarılıb və həbs olunub.