Moskva həqiqətən sülh istəmədiyi üçün “Pasxa atəşkəsi” ilə oyun oynadı.

Axar.az xəbər verir ki, bu sözləri AB-nin baş diplomatı Kaya Kallas deyib.

O bildirib ki, Rusiya atəşkəsə əməl etməyib, Kreml oyun oynayır və vaxt uzadır.

Kallasın sözlərinə görə, Kiyev və onun avropalı tərəfdarları Vaşinqtonun Moskvaya qarşı daha sərt mövqe tutacağına ümid edirdilər:

“Onların Rusiyaya təzyiq göstərmək üçün istifadə edə biləcəkləri alətləri var, lakin onlardan istifadə etməyiblər”.

Avropa diplomatiyasının rəhbəri onu da qeyd edib ki, Vaşinqtonun sülh sazişi çərçivəsində ilhaq edilmiş Krımı Rusiya ərazisi kimi tanımaq barədə düşünməsi düzgün olmazdı. Onun sözlərinə görə, AB heç vaxt yarımadanı Rusiya kimi tanımayacaq.

“Krım Ukraynadır”, - Kallas əlavə edib.