Rusiyanın Ukraynaya kütləvi zərbəsi zamanı raketlər kifayət qədər qeyri-adi marşrutla uçub.

Axar.az xəbər verir ki, bu barədə ukraynalı hərbi ekspert Vladislav Seleznev deyib.

“Rusiya pilotsuz təyyarələri və raketlərinin bəziləri şimal-qərbdən Kiyevə doğru uçur. Xəritəyə baxdıqda, buranın birbaşa Belarusla sərhəd olduğunu görərik. Son vaxtlar düşmən Ukraynaya hücumlar həyata keçirmək üçün Belarus ərazisindən istifadə etmir. Bu, gecə də (Kiyevə zərbə endirilən 24 aprel gecəsi nəzərdə tutulur - red.) belə idi”, - deyə ekspert bildirib.

Ekspert əlavə edib ki, Rusiya tərəfi hava hücumundan müdafiə sistemində zəif yerlər, boşluqlar axtarır ki, onlardan yararlansın.

Qeyd edək ki, 24 aprelə keçən gecə Kiyevə endirilən zərbələr nəticəsində ən azı 12 nəfər ölüb. Kiyev meri 25 apreli matəm günü elan edib.