ABŞ və Ukrayna arasında təbii resurslarla bağlı razılaşma Kremlin narazılığına səbəb olub.

Axar.az xəbər verir ki, bunu “Yoj” Teleqram kanalı mənbələrə istinadla yazıb.

Kanal qeyd edir ki, resurslarla bağlı razılaşma və ABŞ-ın Ukraynaya hərbi yardımının yenidən aktivləşdirilməsi 9 May bayramı ərəfəsində Kreml üçün xoşagəlməz sürpriz olub.

Mənbənin sözlərinə görə, Rusiyanın ritorikası daha sərt olacaq. Bununla belə, Kremlin hazırda Trampın komandası ilə açıq qarşıdurmaya getmək niyyəti yoxdur, lakin Ukrayna məsələsində də güzəşt etməyə hazır deyil:

“Bir çoxları üçün 9 Mayın necə keçəcəyi və Putinin çıxışının tonu göstərici olacaq. Eskalasiya Tramp komandası ilə etimadı qorumağa kömək etməyəcək. Amma Rusiya öz mövqeyini nümayiş etdirməlidir. Əks-hücum cəhdi Kremlin mövqeyini gücləndirə bilər, lakin bunun üçün insan resursu problemi həll olunmalıdır”.