Amerikanın "Harri Truman" təyyarədaşıyan gəmisinin Aralıq dənizində peyda olması Kreml üçün siqnaldır.

Axar.az xəbər verir ki, bu barədə informasiyanı ABŞ-ın "Vol Strit Jurnal" qəzeti yayıb. Mətbuat Vaşinqtonun bu gəmini Aralıq dənizinə göndərməklə Moskvanı sınağa çəkmək istədiyini bildirib:

"Bu addımın qeyri-müəyyənliyi ruslara təsir edəcək. Rusiya hakimiyyəti bundan sonra atacağı addımları iki dəfə düşünməli olacaq".

Qeyd edək ki, ABŞ bir müddət öncə Aralıq dənizinə "Harri Truman" və "Duayt Eyzenhauer" təyyarədaşıyan gəmilərinin göndərilməsi barədə qərar qəbul edib. Vaşinqton bu addımını Aralıq dənizində Rusiyanın hərbi fəaliyyətini balanslaşdırmağa çalışması ilə əlaqələndirib.