İsrail Baş naziri Benyamin Netanyahu ABŞ-ın keçmiş milli təhlükəsizlik müşaviri Mayk Uolts ilə danışıb, lakin onlar İrana zərbə endirmək imkanını müzakirə etməyiblər.

Axar.az xəbər verir ki, bu barədə İsrail Baş nazirinin Ofisindən “Vaşinqton Post”un bu mövzuda məlumatını şərh edərkən bildirilib.

Ofisdən qeyd edilib ki, Netanyahu fevral ayında Vaşinqtona səfəri zamanı Uoltsla həqiqətən də görüşüb. ABŞ Prezidentinin nümayəndəsi Steven Uitkoffun da iştirak etdiyi görüş Netanyahunun ABŞ Prezidenti Donald Trampla söhbətindən əvvəl baş tutub:

"O vaxtdan bəri baş nazir, keçmiş milli təhlükəsizlik müşaviri və Stiven Uitkoff arasında İrana aidiyyəti olmayan bir telefon danışığı olub".

Qeyd edək ki, “Vaşinqton Post” qəzeti iddia edib ki, Uolts Netanyahu ilə İrana zərbə endirmək imkanını müzakirə edib.