Ukrayna Braziliyanı Moskvaya təzyiq göstərməyə çağırıb.

Axar.az xəbər verir ki, bu barədə Ukrayna xarici işlər naziri Andrey Sibiqa müraciət edib.

Sibiqa bildirib ki, bu həftə braziliyalı həmkarı Mauro Vieyra ilə müharibənin dayandırılması səylərini müzakirə edib. Ukraynalı nazir onu qeyd-şərtsiz 30 günlük atəşkəsi səmərəli sülh danışıqları üçün əsas kimi dəstəkləməyə çağırıb:

"Prezident Zelenskinin Putinlə Türkiyədə görüşməyə hazır olduğunu təsdiqlədim və Braziliyanı bu ali səviyyəli birbaşa görüşün baş tutması üçün Rusiya ilə dialoqda nüfuzlu səsini istifadə etməyə çağırdım".

Qeyd edək ki, Ukrayna və Rusiya rəsmilərinin 15 mayda İstanbulda birbaşa danışıqlar aparacağı gözlənilir. Danışıqlarda Ukraynanı Prezident Vladimir Zelenski təmsil edəcək, Rusiya nümayəndə heyətinə isə xarici işlər naziri Sergey Lavrov və Prezidentin köməkçisi Yuri Uşakov daxildir.