Qırğızıstan Milli Təhlükəsizlik Komitəsi "Qırğızaltun" dövlət konserninin eks-prezidenti Dastan Sarıqulovu həbs edib.

Axar.az xəbər verir ki, bu barədə informasiyanı Qırğızıstan Milli Təhlükəsizlik Komitəsinin mətbuat xidməti yayıb. Sarıqulov hakimiyyət çevrilişinə cəhddə günahlandırılıb.

O, müxalif liderlərlə əlaqədə şübhəli bilinir.

Qeyd edək ki, bir ay öncə Qırğızıstanda müxalifətin bir sıra liderləri hakimiyyət çevrilişinə cəhddə günahlandırılaraq həbs edilib. Sonradan həmin şəxslərin telefon danışıqları ictimaiyyətə təqdim olunsa da, onun həqiqət olduğu təsdiq edilməyib.

Sarıqulov bundan öncə Qırğızıstanın dövlət katibi vəzifəsində də çalışıb. Bəzi mənbələr bu həbslərin "Kumtor" qızıl yatağı ilə bağlı aparılan araşdırmayla əlaqədar olduğunu bildiriblər.