13:20

Vatikanda Roma Papası XIV Leonun taxta çıxma mərasimi keçirilir.

Axar.az xəbər verir ki, birbaşa yayımı Müqəddəs Taxt-Tacın mətbuat xidməti rəsmi yutub kanalında aparır.

Mərasimdən əvvəl pontifik papamobillə dünyanın hər yerindən minlərlə xristianın toplandığı Müqəddəs Petrus meydanına gəlib. Daha sonra XIV Leo messa keçirməli və papa hakimiyyətinin fərqləndirici nişanlarını – balıqçı üzüyünü və pallium (üzərində altı qara xaç tikilmiş ağ lent şəklində stela – red.) almalıdır.

Tədbirə gələn xarici liderlər arasında İspaniya Kralı VI Filip, Belçika Kralı Filip, İtaliya Baş naziri Corciya Meloni, Avropa Komissiyasının Prezidenti Ursula fon der Leyen, ABŞ vitse-prezidenti Ceyms Di Vens və dövlət katibi Marko Rubio iştirak edirlər.

Mərasimdə Azərbaycanı Milli Məclisin sədri Sahibə Qafarova təmsil edir.

***

XIV Leo papalıq hakimiyyətinin rəmzlərini qəbul edib.

O, Papa hakimiyyətinin fərqləndirici nişanlarını alıb.