Rusiya Prezidenti Vladimir Putin ABŞ Prezidenti Donald Trampla telefon danışığında deyib ki, nasistlərə hörmət edənlər 9 Mayı qeyd etməyə gələn liderləri qorxutmağa çalışıblar.

Axar.az xəbər verir ki, bunu Rusiya Prezidentinin köməkçisi Yuri Uşakov deyib.

“Təbii ki, Putin bunu Trampa təsadüfən demədi, çünki ukraynalılar bayram tədbirlərinin əcnəbi iştirakçılarını birbaşa hədələyərək, xarici liderləri qorxutmağa və onların Moskvaya gəlməsinin qarşısını almağa çalışdılar. Bizim prezident də bu barədə açıq danışdı”, - Uşakov qeyd edib.

Onun sözlərinə görə, Putin Trampa bildirib ki, mayın 7-nə keçən gecə Kreml və Qırmızı meydan ərazisində terror aktları təhlükəsinin qarşısı alınıb:

“Prezidentimiz bu yaxınlarda qeyd olunan Qələbənin ildönümünün əhəmiyyətini vurğuladı və xatırlatdı ki, bayram ərəfəsində Rusiyanın üç günlük atəşkəs elan etməsindən sonra, mayın 6-dan 7-nə keçən gecə Ukrayna Rusiya ərazisinə 524 PUA göndərib, o cümlədən ABŞ-ın “Storm Shadow” raketlərini atıb və onların əksəriyyəti Moskvaya doğru yönəlib”.