Ərəb parlamenti İsrailin Birləşmiş Millətlər Təşkilatının Altıncı Komitəsinin sədrliyinə gətirilməsini narazılıqla qarşılayıb.

Axar.az xəbər verir ki, parlament məsələ ilə bağlı bəyanat verib.

"Fələstin torpaqlarında 60 ildən artıq müddətdir ki, silahsız bir xalqa qarşı terror hücumları təşkil edən sionist quruluşun nümayəndəsinin beynəxalq terrorizmlə mübarizə aparan quruma rəhbər təyin edilməsi BMT-nin qəbahətidir", - bəyanatda deyilir.

Qeyd edək ki, İsraili təmsil edən Danni Danon BMT-nin Altıncı Komitəsinin sədri vəzifəsinə seçilib. Bu komitə qlobal terrorizm və müharibə dövründə mülki şəxslərin qorunmasına dair IV Cenevrə Konvensiyasının protokolları ilə məşğul olur.