Böyük Britaniya Baş naziri Keyr Starmerin müharibəyə hazırlıqla bağlı bəyanatı dəlilikdir, təklif edirəm ki, Avropada müharibə əleyhinə hərəkat yaradaq.

Axar.az xəbər verir ki, bunu Venesuela Prezidenti Nikolas Maduro deyib.

“Böyük Britaniyanın, Londonun, Liverpulun əhalisini baş nazirlərinin bu çılğın müharibə çağırışına cavab verməyə çağırıram. Venesueladan deyirik: bəşəriyyətin müharibəyə yox, sülhə ehtiyacı var və Avropada müharibə haqqında danışmaq vəhşilikdir. Starmer iki dünya müharibəsinə başlayan dekadent elita və silah istehsalçıları adından müharibədən danışır. Qırmızı ordunun faşistləri məğlub edib bütün Avropanı azad etməsindən 80 il keçir və 80 il sonra böyük müharibəyə hazırlaşdıqlarını deyirlər”, - o bildirib.