Təl-Əviv ABŞ-İran danışıqları davam etdiyi müddətdə Tehrana qarşı heç bir hərbi addım atmayacağını Vaşinqtona bəyan edib.

Axar.az xəbər verir ki, bu barədə məlumatı “Axios” nəşri İsrail rəsmilərinə istinadən yayıb.

Bildirilib ki, bu mesajı ötən həftə Vaşinqtonda ABŞ rəsmiləri ilə danışıqlar aparan İsrailin strateji işlər naziri, MOSSAD rəhbəri və İsrailin milli təhlükəsizlik müşaviri çatdırıblar.

“Əgər uğurlu diplomatik həll yolu tapılarsa, hücum üçün heç bir səbəb qalmır. Ona görə də prosesə möhlət veririk və danışıqların başa çatdığı aydınlaşana qədər gözləyəcəyik”, - İsrail rəsmiləri bildirib.