14:15

Avstriyanın Qrats şəhərində məktəbdə atışma nəticəsində 8 nəfər həlak olub.

Axar.az xəbər verir ki, bu barədə Avstriya mətbuatı məlumat yayıb.

Məlumata görə, naməlum silahlı şəxs səhər saat 10 radələrində BORG federal məktəbinin binasında atəş açıb:

“İlkin məlumata görə, azı 8 nəfər həlak olub. Atəş açan şəxs həmin məktəbin şagirdi olub. Sonda o, intihar edib. Bir neçə şagird və müəllim ağır yaralanıb. Hadisə yerində çoxlu sayda polis əməkdaşı cəlb olunub. Şəhərə xüsusi təyinatlı “Kobra” bölməsi də daxil olub. İstintaq davam edir və atəş açan şəxsin motivləri ilə bağlı rəsmi məlumat hələlik açıqlanmayıb”.

***

Avstriyanın Qrats şəhərindəki məktəbdə baş verən atışma nəticəsində ölənlərin sayı 11 nəfərə çatıb.

Bu barədə “AUF1” portalı yazıb.

***

Avstriyada məktəbdə baş verən atışmadan sonra 30-a yaxın insan xəstəxanalara yerləşdirilib.

Bu barədə “Kronen Zeitung” qəzeti yazıb.

"Hazırda 28 yaralı xəstəxanalardadır. Onlardan ən azı dördünün vəziyyəti son dərəcə ağırdır", - məlumatda bildirilib.