Ukrayna tam və qeyd-şərtsiz atəşkəs təklif edir, Rusiya isə bunu rədd edir və bütün gücü ilə müharibəni və qətlləri davam etdirir. Ancaq nədənsə, Macarıstandan Rusiyaya atəşkəslə razılaşması üçün tələb görmürük. Rəsmi Budapeşt bu məsələdə susur. Yaxud Ukraynanı sülh istəməməkdə absurdcasına ittiham etməkdə davam edir.

Axar.az xəbər verir ki, bunu Ukrayna Xarici İşlər Nazirliyinin sözçüsü Georgi Tixiy Macarıstan hökumətinin Rusiya-Ukrayna münaqişəsi ilə bağlı bəyanatlarını şərh edərkən bildirib.

Onun sözlərinə görə, Macarıstan hakimiyyətinin kommunikasiya xətti “relsdən çıxıb”.

O qeyd edib ki, prinsipial mövqe sərgiləmək lazım olan yerdə Budapeşt susur, yaxınlaşma nöqtələri axtarmaq lazım olan yerdə isə əsassız ittihamlarla çıxış edir:

“Ukrayna əmindir ki, mehriban qonşuluq münasibətləri ölkələr üçün olduqca vacibdir, lakin bu münasibətlərin üzərində hər iki tərəf işləməlidir”.