Rumıniyanın keçmiş müdafiə naziri, ehtiyatda olan general Viktor Stenkulesku 89 yaşında vəfat edib.

Axar.az xəbər verir ki, bu barədə "Agerpres" agentliyi generalın yaxınlarına istinadən məlumat yayıb.

Qeyd edək ki, general Stenkulesku Rumıniyanın o vaxtkı lideri Çauşesku tərəfindən etiraz aksiyalarını dağıtmaq üçün Timişoaru şəhərinə göndərilmişdi. Buxarestə qayıdandan sonra o, müdafiə naziri təyin olunub. Ölkə rəhbərliyinin paytaxtdan qaçmasından sonra general qiyamçıların tərəfinə keçib və Tırqovişa şəhərində Nikolae və Yelena Çauşeskulara qarşı məhkəmə prosesinin qurulmasına rəhbərlik edib.