Hindistanın qərbində qəzaya uğrayan Hindistan Hava Yolları aviaşirkətinə məxsus “Boinq 787” təyyarəsinin bir sərnişini sağ qalıb.

Axar.az xəbər verir ki, bu haqda “ANI” portalı polisə istinadən məlumat yayıb.

“Polis 11A ünvanında bir sağ qalanı tapıb. Hələlik ölənlərin sayı ilə bağlı dəqiq heç nə demək mümkün deyil. Təyyarə yaşayış massivində qəzaya uğradığı üçün bu, arta bilər”, - deyə hüquq-mühafizə orqanı rəsmisi bildirib.

Qeyd edək ki, qəzaya uörayan təyyarə təhsil müəssisəsinin yataqxanasına çırpılıb. Təyyarədə olan 242 sərnişinin hamısının, o cümlədən yataqxanada məskunlaşan tələbələrdən 5-nin öldüyü bildirilmişdi.