09:47

İsrailin İrana hücumundan sonra İraq hava məkanını bütün uçuşlar üçün bağlayıb.

Axar.az xəbər verir ki, bu barədə İraqın rəsmi xəbər agentliyi İNA məlumat yayıb.

***

İsrailin İranın nüvə və hərbi obyektlərinə zərbələrindən sonra İordaniya da hava məkanını bağlamağa qərar verib.

Bu barədə İordaniya Mülki Aviasiya İdarəsindən məlumat verilib.

“Krallığın hava məkanı müvəqqəti olaraq bağlanıb və regional eskalasiya nəticəsində yarana biləcək hər hansı risklərə qarşı ehtiyat tədbiri olaraq bütün təyyarələrin uçuşu dayandırılıb”, - məlumatda qeyd olunub.

Qeyd edək ki, İsrail Hərbi Hava Qüvvələri 13 iyun səhər tezdən İranın nüvə və hərbi bazalarına zərbələr endirib. Zərbələr nəticəsində İranın Natanzdakı nüvə obyekti, Təbriz və digər şəhərlərdəki hərbi və raket bazaları vurulub, İran Silahlı Qüvvələrinin Baş Qərargah rəisi, general-leytenant Məhəmməd Bagiri, İslam İnqilabı Keşikçiləri Korpusunun komandiri Hüseyn Salami, SEPAH generalı Qulaməli Rəşid, o cümlədən nüvə alimləri öldürülüb.