Roma Papası XIV Leo Kilikiya İran və İsrail arasında yaranmış gərginliklə bağlı narahatlığını ifadə edib və bütün tərəfləri məsuliyyətə və sağlam düşüncəyə çağırıb.

Axar.az TASS-a istinadla xəbər verir ki, Papa hazırda siyasətçilərin qarşısında nüvə təhlükəsi olmayan dünyanı təmin etmək vəzifəsinin durduğunu xatırladıb.

Onun sözlərinə görə, buna dünyada ədalət, qardaşlıq və rifahın birgə mövcud ola bilməsi üçün qarşılıqlı hörmətə əsaslanan ünsiyyət vasitəsilə nail olmaq lazımdır.

Roma taxtının başçısı əlavə edib ki, heç bir dövlət digərinin mövcudluğuna təhdid etməməlidir, hamı sülh quruculuğu, təhlükəsizlik və ləyaqət təminatları üzərində işləməlidir.