16:53

İsrail Hərbi Hava Qüvvələri İrandakı hərbi obyektlərə kütləvi zərbələr endirib.

Axar.az xəbər verir ki, İsrail Hərbi Hava Qüvvələri İranın dörd bölgəsində - İsfahan, Buşəhr, Əhvaz və ilk dəfə Yəzd bölgəsində raket obyektlərinə və pilotsuz təyyarə bazalarına hücum edib.

İsrail Müdafiə Nazirliyinin mətbuat xidmətinin məlumatına görə, hərbi kəşfiyyatın dəstəyi ilə onlarla hərbi obyekti vurmaq üçün 60-dan çox hərbi sursatdan istifadə edilən əməliyyata 30-a yaxın döyüş təyyarəsi cəlb edilib.

Uzaqmənzilli ballistik raketlərinin saxlandığı Yəzd bölgəsində İmam Hüseyn Strateji Raket Qüvvələrinin qərargahı ilk dəfə olaraq hücuma məruz qalıb. Məhz bu obyektdən əvvəllər İsrailə 60-a yaxın raket buraxılıb.

Həmçinin raket buraxılış qurğuları, hava hücumundan müdafiə batareyaları istehsal edən obyektlər, İsfahan, Buşəhr və Əhvazdakı pilotsuz təyyarələrin anbarları hədəf alınıb.

Hücum zamanı İsrail aviasiyası buraxılış qurğularında xidmət edən İran əsgərlərini aşkar edərək öldürüb.