“Nyu York Tayms”, “Voll Strit” və “Əl Cəzirə ” yazır ki, Tehran Vaşinqtonun sülh təklifinə cavabını Pakistan vasitəsilə göndərib. Lakin Donald Trump bu cavabı “tamamilə qəbuledilməz” adlandırıb.

Axar.az xəbər verir ki, bu sözləri araşdırmaçı jurnalist Elbəyi Həsənli qeyd edib.

O bildirib ki, qarşıdurma artıq adi müharibə deyil, bu, enerji, logistika və böyük güclərin təsir uğrunda mübarizəsidir.

“Xinhua”ya görə, İranın təklifi budur:

– müharibənin dərhal dayandırılması;

– aqressiyanın təkrarlanmamasına zəmanət;

– ABŞ sanksiyalarının ləğvi;

– blokadanın aradan qaldırılması;

– dondurulmuş aktivlərin qaytarılması.

Tehran həmçinin 30 günlük keçid razılaşması təklif edir. Amma əsas problem qalır: etimad yoxdur!

Hörmüz boğazı bu qarşıdurmanın mərkəzindədir. Bu marşrut qlobal enerji axınının əsas damarlarından biridir və hazırda siyasi təzyiq alətinə çevrilib. Nüvə məsələsi isə kompromisi demək olar ki, mümkünsüz edir.

İsrail Baş naziri Benjamin Netanyahu açıq deyir: “Müharibə bitməyib”.

Regionda gərginlik artır – dron hücumları, gəmilərə zərbələr və artan risklər artıq genişmiqyaslı təhlükəsizlik böhranına çevrilir. Eyni zamanda neft bahalaşır.

Bəs kim qazanır?

Rusiya – yüksək neft qiymətləri;

Çin – alternativ marşrutlar və enerji çevikliyi;

Azərbaycan – Orta Dəhliz və artan tranzit rolu;

Enerji şirkətləri – rekord gəlirlər.

Kim uduzur?

İran – sanksiya və inflyasiya;

ABŞ – bahalı yanacaq, daxili təzyiq

Avropa – enerji asılılığı

Qlobal iqtisadiyyat – ticarət zəifləyir

Nəticə sadədir:

Bu müharibədə tam qalib yoxdur.

Müharibə dayanıb, amma sülh yoxdur.

Əsas döyüş artıq cəbhədə deyil — enerji bazarlarında və geosiyasətdə gedir”, - o qeyd edib.