Almaniya Sosial Demokrat Partiyası (SPD) daxilində yenidən silahlanma və Rusiya ilə münasibətlərlə bağlı fikir ayrılıqları qarşıdan gələn qurultayda pik həddə çatacaq.

Axar.az xəbər verir ki, bu barədə “Faynənşl Tayms” nəşri yazıb.

Qeyd olunur ki, partiya lideri və maliyyə naziri Lars Klinqbeyl partiyanın köhnə qvardiyasının kəskin reaksiyası ilə üzləşib.

Tənqidçilərdən biri SPD-nin hökumətin yenidən silahlanma planlarını tənqid edən və tədricən Rusiya ilə əməkdaşlığa qayıtmağı təklif edən birgə bəyanatı imzalayan 76 yaşlı tarixçi Peter Brandtdır.

“Biz Avropada sabit sülh və təhlükəsizliyə qayıtmaqdan hələ də çox uzağıq. Almaniyanın və bütövlükdə Avropanın müdafiə qabiliyyətinin gücləndirilməsi lazımdır, bu səylər yeni silahlanma yarışına deyil, gərginliyin azaldılması və tədricən etimadın möhkəmləndirilməsi strategiyasına daxil edilməlidir”, - manifestdə vurğulanıb.