AŞPA prezidenti Teodor Russopulos Ermənistan hakimiyyətinin məhkəmə işlərinə birbaşa müdaxiləsi, eləcə də din xadimləri və müxalifət nümayəndələrinin həbsi məsələsinə münasibət bildirib.

Axar.az xəbər verir ki, Russopulos Ermənistanın Baş naziri Nikol Paşinyan sentyabrın sonu və ya oktyabrın əvvəlində AŞPA sessiyasında iştirak edəcəyini deyib.

“Sessiya çərçivəsində Paşinyana çıxış etmək və ünvanlanan suallara cavab vermək imkanı yaradılacaq. Əminəm ki, siz Ermənistanla bağlı AŞPA-nın qərar və hesabatları ilə artıq tanışsınız. Mən Assambleyada deyilənlərə əlavə nəsə etmək istəmirəm. Yeganə xəbər odur ki, Paşinyan növbəti sessiyada iştirak edəcək və suallarınızı cavablandıracaq”, - o qeyd edib.