Rusiya Federasiyası bu addımdan narahatdır. Lakin burada söhbət NATO-nun öz köklərinə – çəkindirici güc roluna qayıtmasından gedir.

Axar.az xəbər verir ki, bunu Dövlət Departamentinin mətbuat xidmətinin rəhbəri Temmi Bryus Rusiyanın NATO-nun müdafiə xərclərinin kəskin artırılmasının Alyansın dağılmasına səbəb ola biləcəyi fikrinə münasibət bildirərkən deyib.

“Onların müdafiəni təmin etmək üzrə öhdəliklərində irəliləyiş təsirlidir və əlbəttə, biz NATO-nu tam dəstəkləyirik. Onun rolu Avropanın təhlükəsizliyi və sabitliyi üçün son dərəcə vacibdir. Məhz bu əsasdır – çəkindirici amil olmaq. Müdafiə sahəsinə yönəldilən bu cür xərclər bu məqsədə çatmağa kömək edir. Əlbəttə, Prezident Donald Trampın israrlı mövqeyi və tələbləri olmasaydı, bunlar mümkün olmazdı, buna görə də bu dəyişikliklərə görə məmnunuq”, - Bryus qeyd edib.