Son hadisələr bizi bir daha Rusiyadakı qafqazlılar mövzusuna üz tutmağa məcbur edir. Rusiyada yaşayan azərbaycanlılarla bağlı müxtəlif rəqəmlər səsləndirilir. Hətta hər cür rəqəmlər qeyd olunur - iki, üç, beş milyon. Bax, bütün bunlar cəfəngiyyatdır.

Axar.az xəbər verir ki, bunu gürcü politoloq Gela Vasadze deyib.

“Bu gün bir dostum mənə “Rosstat”dan məlumat göndərdi, son siyahıyaalmaya görə, Rusiya Federasiyasında 475 min azərbaycanlı yaşayır, onlardan 130 mini Dağıstandadır. Üstəlik, 2000-ci illərdən başlayaraq azərbaycanlıların sayı durmadan azalır. Bu başadüşüləndir, Türkiyə varkən Rusiyaya getməyə nə ehtiyac var, Azərbaycanın özündə isə 90-cı illərdəkindən daha çox imkan var. Əlbəttə, elə oğlanlar var ki, əmioğlularını ziyarətə (işləməyə) gəlir, amma gürcüləri hesablamaq təcrübəmdən deyə bilərəm ki, onlar əsas rəqəmin 15-20 faizindən çox deyil. Rusiyada qafqazlılar o qədər də çox deyil, amma bizim hər yerdə çox görünməyimiz başqa məsələdir”, - o bildirib.