2025.07.06. 18:56

Yəmənin Hodeyda liman şəhərindən 51 dəniz mili cənub-şərqində ticarət gəmisi ilə bağlı insident qeydə alınıb.

Axar.az xəbər verir ki, bu barədə Britaniya Kral Donanmasının Dəniz Ticarət Koordinasiya Mərkəzinin bəyanatında deyilir.

"Gəmi bir sıra kiçik gəmilərin hücumuna məruz qalıb, onlar atıcı silahlardan və əl qumbaraatanlarından atəş açıb",- məlumatda deyilir.

Qeyd olunur ki, gəmidən olan dənizçilər də cavab olaraq atəş açıblar və qarşıdurma davam edir.

Hadisənin təfərrüatları araşdırılır.

***

“MAGIC SEAS” yük gəmisi husilərin hücumundan sonra batmağa başlayıb.

Qırmızı dənizdə “MAGIC SEAS” yük gəmisi husilərin hücumuna məruz qaldıqdan sonra ciddi zədələnib və batmaq üzrədir, ekipaj gəmini tərk edir.