ABŞ-da demokratlar və respublikaçılarla həqiqətən rəqabət apara biləcək yeni siyasi partiya yaratmaq Marsa insan göndərməkdən daha çətin ola bilər.

Axar.az xəbər verir ki, bu barədə “Nyu York Tayms”da (NYT) amerikalı sahibkar İlon Maskın yeni partiya yaratması ilə bağlı yayımlanan məqalədə deyilir.

Məqalədə qeyd edilir ki, bu, son dərəcə çətin və bahalı prosesdir.

Məlumata görə, "SpeysX" aerokosmik şirkətinə rəhbərlik edən Mask hər iki məqsədə nail olmağa çalışır. Xatırladılıb ki, amerikalı siyasətçilərin son onilliklərdə ikipartiyalı sistemi "sındırmaq" cəhdləri uğurlu olmayıb.

Bundan əlavə, NYT hesab edir ki, Maskın “yeni siyasi layihəsi” ilə bağlı nə dərəcədə ciddi olduğu və onu sosial şəbəkələrdəki fikirlərdən real partiyaya çevirə bilib-bilməyəcəyi hələ bəlli deyil.